9 Arbeidet vidare

I det vidare arbeidet med å utvikle kvaliteten til den vidaregåande opplæring i Møre og Romsdal skal vi i tida framover arbeide med måla som er satt i Delstrategi for kompetanse - kvalitet i vidaregåande opplæring:

Delstrategien har to hovudområde:

• Ei opplæring der flest mogleg fullfører og blir førebudde på samfunns- og arbeidslivet.
• Ei framtidsretta opplæring med kompetente tilsette.

Desse områda følger både Fylkesstrategi for kompetanse og plikta til fylkeskommunen om å halde ved lag og heve kvaliteten i vidaregåande opplæring (jf. § 17-12 i opplæringslova).

Vidare er det valt ut ei rekke handlingspunkt som særleg avgjerande bidrag til dei tre resultatmåla i Fylkesstrategi for kompetanse. Desse er dei utvalde handlingspunkta og resultatmåla dei er knytte til:

Resultatmål for samarbeid

Møre og Romsdal har etablert forpliktande samarbeid om kompetanse på tvers av bransjar, sektorar, forvaltningsnivå og utdanningsinstitusjonar. 

For å nå resultatmålet skal vidaregåande opplæring samarbeide særleg om 

• overgangar mellom opplæringsnivå
• relevant opplæring
• faget yrkesfagleg fordjuping (YFF)

Resultatmål for utdanningssystemet 

Møre og Romsdal har eit omstillingsdyktig og fleksibelt utdanningssystem. 

For å nå resultatmålet skal vidaregåande opplæring

• arbeide for at flest mogleg fullfører opplæringa
• sikre gode læringsmiljø
• sikre at alle får medverke opplæringa si
• gi god rådgiving knytt til utdannings- og yrkesval

Resultatmål for arbeidslivet 

Møre og Romsdal har eit arbeidsliv som legg til rette for livslang læring, og der fleire blir kvalifiserte i samsvar med behova til arbeidslivet. 

For å nå resultatmålet skal vidaregåande opplæring 

• gi fleire tilsette meir etter- og vidareutdanning 
• gi opplæring som er relevant og bidrar til å kvalifisere til arbeidslivet 
• samarbeide om kompetanseheving med utdanningstilbydarar, arbeidsliv og andre kompetansemiljø