5 Gjennomføring

5.1 Vurderinga til skoleeigar

Aldri før har fleire gjennomført vidaregåande opplæring. Gjennomføringa i vidaregåande opplæring er igjen rekordhøg, både på landsbasis og i Møre og Romsdal.

Gjennomføring i vidaregåande opplæring blir målt etter fem/seks år. Studieførebuande utdanningsprogram blir målt etter fem år, og yrkesfaglege utdanningsprogram blir målt etter seks år.

Gjennomføringstalet for 2016-kullet i Møre og Romsdal, etter fem/seks år i vidaregåande opplæring, ligg no på 83,0 prosent. Gjennomføringa har gått opp 0,2 prosentpoeng samanlikna med 2015-kullet. Vi ligg 2,0 prosentpoeng over landsgjennomsnittet som er på 81,0 prosent.

Innan studieførebuande utdanningsprogram kan vi vise til best resultat i landet. Vi ligg likt med Innlandet og Rogaland, alle med 91,2 prosent. Vi ligg også over det nasjonale snittet som er på 89,5 prosent.

Innan yrkesfaglege utdanningsprogram er det berre Rogaland som kan vise til høgare gjennomføring. Møre og Romsdal ligg på 74,1 prosent, og Rogaland på 74,8 prosent. Vi ligg godt over det nasjonale snittet som er på 69,6 prosent.

Det er store forskjellar i gjennomføring mellom dei ulike utdanningsprogramma. Både i Møre og Romsdal og på landsbasis er gjennomføringa høgast på idrettsfag og lågast på restaurant- og matfag.

Resultata nærmar seg målet frå fylkesstrategien om at over 85 prosent skal gjennomføre etter fem/seks år i vidaregåande opplæring. Vi er også på rett veg mot det nasjonale målet om at ni av ti skal gjennomføre vidaregåande opplæring.

5.2 Gjennomføring i løpet av fem/seks år

83,0 prosent av dei som begynte på vg1 i 2016 gjennomførte med studie- eller yrkeskompetanse i løpet av fem/seks år. Det er berre Rogaland som kan vise til høgare gjennomføring, med 83,6 prosent. Gjennomføringa i Møre og Romsdal har auka med 0,2 prosentpoeng samanlikna med 2015-kullet. Vi ligg 2,0 prosentpoeng over landsgjennomsnittet som er på 81,0 prosent.

Målsettinga i Møre og Romsdal er at over 85 prosent av elevar og lærlingar skal gjennomføre vidaregåande opplæring etter fem/seks år. Regjeringa har som mål at ni av ti skal gjennomføre vidaregåande opplæring i 2030 (jf. Meld. St. 21 - Fullføringsreformen).

5.3 Gjennomføring i løpet av fem/seks år, inkludert planlagt grunnkompetanse

Ein kan også velje å inkludere elevar i vidaregåande opplæring som gjennomfører med planlagt grunnkompetanse. Dette er elevar som innan fem/seks år ikkje har fullført med studie- eller yrkeskompetanse, men som har gjennomført med grunnkompetanse. Medrekna elevar som gjennomfører med grunnkompetanse er tala slik:

5.4 Gjennomføring fordelt på utdanningsprogram

Det er store forskjellar i gjennomføringstala mellom studieførebuande og yrkesfaglege utdanningsprogram. Både i Møre og Romsdal og på landsbasis er gjennomføringa høgast for studieførebuande utdanningsprogram.

Gjennomføringa på studieførebuande utdanningsprogram for 2016-kullet i Møre og Romsdal er på 91,2 prosent. Møre og Romsdal er saman med Innlandet og Rogaland dei fylka som har høgast gjennomføring, alle med 91,2 prosent. Det nasjonale snittet er 89,5 prosent.

Gjennomføringa på yrkesfaglege utdanningsprogram for 2016-kullet i Møre og Romsdal er på 74,1 prosent. Det er berre Rogaland som kan vise til høgare gjennomføring i yrkesfaga, med 74,8 prosent. Det nasjonale snittet er 69,6 prosent.

Både i Møre og Romsdal og på landsbasis er gjennomføringa høgast på idrettsfag. Møre og Romsdal kan vise til 96,9 prosent og på landsbasis er den på 90,7 prosent. Gjennomføringa er lågast på restaurant- og matfag, med 50,0 prosent i Møre og Romsdal og 52,7 prosent på landsbasis.

5.5 Framleis i opplæring

Ein del av dei som ikkje fullførar vidaregåande opplæring innan normert til, fullfører på eit seinare tidspunkt. Årsaker kan vere midlertidige avbrot i opplæringa, omval, ikkje beståtte fag, eller ikkje bestått eller ikkje gjennomført fag-/sveineprøve.

I 2016-kullet er 2,7 prosent framleis i opplæring etter fem/seks år. Samanlikna med 2015-kullet er dette ein minsking på 0,2 prosentpoeng. Møre og Romsdal viser positiv utvikling samanlikna med tidlegare kull og samanlikna med landsgjennomsnittet. Landsgjennomsnittet er på 2,8 prosent